Көптеген бизнес салалары тасымалдаумен байланысты: тауарларды, материалдарды, шикізатты, жабдықтарды және т.б. жеткізу қажет. Ол үшін сенімді, ұзақ қызмет ететін, төзімді және қарапайым, күрделі жағдайларда да өз міндетін орындайтын көліктер керек. Соңғы уақытта Қазақстанда ең көп таралғандарының бірі — қытайлық орта тоннажды JAC жүк көліктері. Бұл марка өзінің тұрақты жұмысы және зауыттық жинақтаудың өзінде бар жергілікті климатқа бейімделуі арқылы кәсіп иелері мен жүргізушілердің көңілінен шыққан. Мақалада орта тоннажды жүк көліктерінің ең танымал үлгілері, олардың артықшылықтары мен ерекшеліктері қарастырылады.
Неліктен Қазақстандағы бизнес орта тоннажды жүк көліктерін таңдайды?
Логистика тұрғысынан алғанда, орта тоннажды үлгілер (негізінен жүк көтергіштігі 5–12 тонна аралығындағы көліктер) түрлі салалардағы бизнес үшін ең тиімді болып саналады. Бұған тек тауар көлемі аз және аз тоннажды автокөліктері жеткілікті шағын кәсіпорындар ғана ерекшелік бола алады.
Орта тоннажды жүк көліктері бизнес өкілдері арасында келесі себептерге байланысты сұранысқа ие:
- Үмбебаптылық.
Көптеген қондырғыларды орнату мүмкіндігінің арқасында оларды фургонға, самосвалға, автожөндеу шеберханасына, балмұздақ тарататын көлікке және т.б. айналдыруға болады — жүк көліктері бизнестің түрлі салаларында қолданыс табады. - Сыйымдылық пен ықшамдылықтың үйлесімі.
Орта тоннажды көлікке айтарлықтай жүк сияды, сонымен қатар оның өлшемдері тым үлкен емес. - Маневрлілік.
Алдыңғы тармақты жалғастыра отырып: орташа габариттер қала ішінде, тіпті қозғалыс тығыз болған жағдайда да еркін жүруге, тар көшелерде маневр жасауға және ірі көліктердің қозғалысына тыйым салынған жерлерден өтуге мүмкіндік береді. - Пайдаланудағы үнемділік.
Салыстырмалы түрде аз жанармай шығыны — бұл қытайлық JAC көліктерінің өзіндік ерекшелігі және қазақстандық кәсіпкерлер оларды таңдайтын басты артықшылықтарының бірі. Бұдан бөлек, қосалқы бөлшектердің бағасы қымбат емес, нарықта олардың жеткілікті мөлшері бар — тіпті күрделі жөндеу қажет болған жағдайда да өндірушіден жеткізілуін күтудің қажеті жоқ.
Бұдан басқа, JAC автокөліктері, соның ішінде орта тоннаждысы, пайдалану барысында өз құнын аз жоғалтады. Бұл дегеніміз — егер сіз оны бірнеше жыл белсенді қолданғаннан кейін ауыстыруға шешім қабылдасаңыз, мысалы, бизнесіңізді кеңейту мақсатында, көлікті тиімді бағаға сата аласыз.
Бизнеске арналған ең үздік орта тоннажды JAC жүк көліктері
Қазақстанда қандай орта тоннажды жүк көліктері ең көп сұранысқа ие? Біздің клиенттер көбінесе келесі үлгілерді таңдайды:
Жүк көтергіштігі 5 тонна болатын көлік тоңазытылған, тез бұзылатын және тасымалдау кезінде ерекше жағдайларды қажет ететін басқа да тауарларды жеткізуге пайдаланылады. Изотермиялық фургонның қасиеттері оның материалына байланысты: ол мырышталған болат табақтарынан және полиуретан көбік түріндегі жылу оқшаулағыштан жасалған сэндвич-панельдерден құрастырылған, бұл ішкі температураны қажетті деңгейде ұстап тұруды қамтамасыз етеді. Модель үш түрлі ұзындықта ұсынылады, ең ұзынында ұйықтайтын сөре әдепкіде бар, ал қалған екеуінде — сұрату бойынша орнатылады.
Оның жүк көтергіштігі 3 тонна, сондықтан көлік аз тоннажды санатына жатады, дегенмен оны орта бизнес өкілдері де белсенді пайдаланады. Қорабы тапсырыс берушінің қалауына қарай алюминий немесе болат борттармен жабдықталған платформа түрінде ұсынылады. Модельдің ерекшелігі – борттарды ашуға болады, бұл тиеу-түсіру жұмыстарын жеңілдетеді. Автокөлік маневрлі, ықшам, бірақ сыйымды, онымен қалалықтарды қоса барлық жолдарда жүруге болады.
Бұл көлік бортты платформалар санатына және жүк көтергіштігі 3 тонна болғандықтан аз тоннажды көліктер қатарына жатады. Қораптың құрылысы – тентпен жабдықталған алюминий немесе болат борттар. Бүйірлік борттар мен артқы қақпақ ашылады, ал тент жылжытылып, тиеу мен түсіру жұмыстарын жылдам әрі жеңіл жүргізуге мүмкіндік береді. Автокөлік тасымалдау шарттарына қатаң талап қойылмайтын әртүрлі тауарларды жеткізуге қолайлы. Бұл жиһаз, құрылыс материалдары, техника және тағы басқалары болуы мүмкін.
Бұл жүк көтергіштігі 5 тонна болатын орташа жүк көлігі. Оның қорабы болат бортты платформа түрінде жасалған, ал модельдің ерекшелігі – үш жағынан: сол, оң және артқы жағынан түсіру мүмкіндігі. Әдетте, самосвалдар құм, қиыршық тас және осыған ұқсас басқа да құрылыс материалдары сияқты сусымалы жүктерді тасымалдау үшін қолданылады.
Жүк көтергіштігі 4 тонна болатын автокөлік ашылатын борттармен жабдықталған, үстіне тент тартылған, оның артқы бөлігі тиеу-түсіру жұмыстарын жеңілдету үшін ашылады. Бұл көлік тұрмыстық техникалардан бастап әрлеу және құрылыс материалдарына дейін, тасымалдау кезінде қатаң температуралық режимді сақтауды қажет етпейтін әртүрлі жүктерді жеткізуге қолайлы. Сонымен қатар, тент жүктi шаңнан, желден, ультракүлгін сәулелерден және жауын-шашыннан сенімді қорғайды.
Автокөліктің функционалдығы N56 үлгісіне ұқсас, айырмашылығы тек жүк көтергіштігінде – 5 тонна, және басқа техникалық сипаттамаларында. Борттар да тапсырыс берушінің қалауына қарай болат немесе алюминий болуы мүмкін.
Бұл тентпен және шторкамен жабдықталған бортты платформа. Шторка қажет болған жағдайда көтеріліп, тиеу-түсіру жұмыстарын жеңілдетеді. Артқы жағында тұтқалы есік қарастырылған. Автокөлік тасымалдау кезінде арнайы температураны, ылғалдылықты немесе басқа да ерекше жағдайларды қажет етпейтін, салмағы 3 тоннаға дейінгі жүкті жеткізе алады.
Көріп отырғанымыздай, берілген тізімдегі көліктердің жүк көтергіштігі бойынша барлығы бірдей «нағыз орта тоннаждылар» емес, дегенмен олар жанармай үнемділігі (жол жүру режиміне, трасса жағдайына және басқа факторларға байланысты шығын 100 км-ге 10–15 л аралығында), жүргізушіге салондағы жайлылық, сенімділік, базалық жинақтаудың өзінде жергілікті климатқа бейімделу, сондай-ақ бизнестің ерекшеліктеріне сай қондырғыларды таңдау мүмкіндігі арқасында орта бизнес өкілдері арасында сұранысқа ие.
Орташа жүк көлігі қандай міндеттерге жарайды?
Орта тоннажды JAC көліктері логистикадағы алуан түрлі міндеттер үшін танымал. Мысалы, олар кеңінен қолданылады келесі жүктерді тасымалдауда:
- азық-түлік өнімдері – жемістер, көкөністер, жартылай фабрикаттар, ет, балық, нан;
- құрылыс және әрлеу материалдары – арматура, кірпіш, брус, құм, қиыршық тас, әйнек пакеттері, плитка;
- ауыл шаруашылығына арналған өнімдер – астық, тыңайтқыш, шөп;
- әртүрлі жабдықтар – станоктар, қосалқы бөлшектер, техника;
- жиһаз, тұрмыстық техника, косметика, дәрі-дәрмек және т.б.
Басқаша айтқанда, орта тоннажды JAC үлгілерін бизнестің кез келген саласында қолдануға болады. Мысалы, ірі азық-түлік дүкендері желісі оларды тауарды сауда нүктелеріне жеткізу үшін пайдалана алады, құрылыс және жөндеу жұмыстарымен айналысатын компания материалдарды тапсырыс берушінің нысанына жеткізе алады, фермер өз өнімін тасымалдай алады. Сонымен қатар, орташа үлгілер көшу кезінде – кеңселік немесе тұрмыстық – кеңінен қолданылады. Мұндай көлікке көп мөлшерде техника, жиһаз, ыдыс-аяқ және басқа да тұрмыстық заттар сыяды, соның арқасында бүкіл кабинет немесе пәтерді бір рейсте көшіруге болады, бұл шығынды азайтып, уақытты үнемдейді.
Жүк көлігін таңдау кезінде нені ескеру керек?
Ең алдымен, бизнесіңіздің ерекшеліктерін талдаңыз: қандай тауарларды тасымалдайсыз немесе қандай қызметтер көрсетесіз, қандай қашықтыққа жүру керек болады, пайдалану шығындарына қанша бюджет бөлуге дайынсыз. Осы сұрақтарға жауап бере отырып, сіз үшін қай нақты модельдің ең қолайлы болатынын анықтай аласыз.
Негізгі назар аударуға кеңес беретін жайттар:
- Жүк көтергіштік – бір рейсте тасымалдауға рұқсат етілген жүктің ең көп мөлшері. Ол көліктің техникалық сипаттамаларына сәйкес есептеледі, сондықтан рұқсат етілгеннен артық жүктемеуге тиіссіз – бұл тез тозуға және бұзылуға әкелуі мүмкін. Әрине, егер бір рет рұқсат етілген мөлшерден сәл артық жүк тасымалдасаңыз, аса қауіп төнбейді – өндіруші мұндай жағдайлар үшін белгілі бір беріктік қорын ескереді. Дегенмен, мұны тұрақты түрде жасауға болмайды, әйтпесе көлікті істен шығарасыз.
- Техникалық сипаттамалар – клиренс, отын багының көлемі, ең жоғары жылдамдық, қозғалтқыштың қуаты мен түрі, беріліс қорабының ерекшеліктері және т.б. Бұлар әртүрлі жағдайларда пайдаланудың жайлылығына әсер етеді. Мысалы, бұрылу радиусы мен габариттік өлшемдер қала ішінде жүру кезінде маңызды.
- Қосымша қондырғылар. Ашық немесе тентпен жабылған платформа, қарапайым немесе изотермиялық фургон – мұның барлығы қосымша қондырғыларға жатады, ал нақтысын таңдау сіздің бизнесіңіздің ерекшеліктері мен тасымалдайтын тауар түріне байланысты. Мысалы, азық-түлікті ашық платформада тасымалдауға болмайды, ал құрылыс материалдарын тасымалдауға рұқсат етіледі. Тағы бір маңызды жайт: егер сіз тент таңдасаңыз, оны кез келген уақытта алып тастап, кәдімгі ашық платформаға айналдыруға болады.
- Кабинадағы жайлылық. Жүргізушіге рульде көп уақыт өткізуге тура келетінін ескере отырып, салон ыңғайлы болуы керек. JAC автокөлік өндірушісі барынша қолайлы жағдайды қамтамасыз еткен: ішінде кең орын, орындықтар мен рульді реттеу мүмкіндігі, мультимедиа жүйесі, электрлі терезе көтергіштер және т.б. бар. Рейстердің ұзақтығын және тауарды қай аймақтарда тасымалдайтыныңызды алдын ала ойластырыңыз. Егер бұл бүкіл ел бойынша сапарлар болса, жүргізуші жолда демала алатындай ұйықтайтын орны бар модельді таңдаған жөн.
- Бағасы. Орта тоннажды жүк көліктерінің құны техникалық сипаттамаларына, қосымша қондырғыларына, жабдықталуына және басқа да факторларға байланысты өзгереді. Әрине, баға – маңызды мәселе, бірақ ол басты критерий болмауы керек. Көлік құралы сіздің бизнесіңіздің қажеттіліктеріне толық сәйкес келуі тиіс. Егер бюджет әзірге шектеулі болса, лизинг қызметін пайдалануға болады.
Егер сіз қай модельді таңдау керегін білмесеңіз, міндетті түрде біздің менеджерлермен кеңесіңіз. Олар сіздің қызметіңіздің ерекшеліктерін талдап, сізге ең қолайлы көлікті ұсынады.
Қазақстанда бизнес үшін JAC жүк көліктерін сатып алу тиімді ме?
Қысқа жауап – иә, өйткені бұл маркалы жүк көліктері сенімді, маневрлі, өнімді және бағасы қолжетімді. Сипаттамалары мен мүмкіндіктері бойынша олар еуропалық немесе жапондық баламаларынан кем түспейді, бірақ бағасы әлдеқайда арзан, бұл әсіресе жас компаниялар үшін өзекті.
Ал жаңа JAC па, әлде еуропалық марканың қолданыста болған көлігі ме жақсы? Кейбір кәсіпкерлер еуропалық танымал өндірушінің қолданыстағы көлігін сатып алуды сенімдірек деп санайды. Алайда мұндай техника белгілі бір ресурсын тауысқан: жүгірісі көп, өзіне тән ақаулары бар. Соның салдарынан сіз тұрақты жөндеу мен жоғары шығындарға тап болуыңыз мүмкін, сонымен қатар қосалқы бөлшектерді іздеп, оларды зауыттан күтесіз. Ал қытай бренді шығарған жаңа көлік мұндай қолайсыздықтарды туғызбайды: әр модель тест-драйвтан өтеді, барлығы Қазақстанда пайдалануға бейімделген, әрі өндірушінің кепілдігі қарастырылған.
Егер сізді орта тоннажды жүк көліктері қызықтырса, оларды Truck Auto Service компаниясынан онлайн немесе телефон арқылы өтінім қалдырып сатып ала аласыз. Біз ҚР-дағы брендтің ресми дилеріміз, сізге нақты модельді ұсынамыз және кепілдік береміз. Бұдан бөлек, бізде өзіміздің техникалық қызмет көрсету станциялары желісі бар, онда сіз жоспарлы техникалық байқаудан өтіп немесе кез келген жөндеу жұмыстарын жасата аласыз.
